اسئلة ترفع الضغط لدرجه ودك تجيب شوزن وترمي اللي يسالها
--------------------------------------------------------------------------------
السلآآآآم عليكم~~~أخباركمــ
موضوع عجبني ونقلته لكمــ حبايبي**
هذي اسئله ترفع الضغط ..
ودك تمسك الي يقوله وتشوته الين يطيح الي براسك
مثلآ :<<<قلنا مثلاً
أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .
يجي أحد أخوانك ويفتح الباب عليك ويقول :- بتنام ! ! !
(( لا أبرقص ,, أكيد أبنام ))
----------------------------
أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه
(( لا رحنـــا ,, أكيد جينا وأنت وش تشوف ))
----------------------------
والع** :- أنت لابس ثوبك وكاشخ بالشماغ وماشي بالبيت متجه لباب الشارع ,,
يجي أحد من أهلك وينادي بصوت عالي >>> بتطلع ! ! !
(( أبدخل ,, أيه أبطلع ))
------------------------------
أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,
أنت بكل ذوق تفتح القزازه وتقوله :- آمر يالحبيب ؟
يقولك :-بتمشي با السياره ! ! !
(( لا أبفحط وأسوي خمسات . . . . أكيد أنا ماشي ))
------------------------------
عزيزتي الفتاة مثلا أنتي بالكليه وقمتي من الطاولة عقب ألف سالفه وسالفه يتخللها الحش والضحك
والغشمرة ورحتي عند الباب تلبسين عبايتك . . .
تجي وحده ملقوفه من البنات وتقولك : - فلانه بتروحين البيت ! ! !
(( لا أبطلع برا أشم هواء , , أكيد أبروح لـبـيـتـنـا من زين الكليه جالسه في استاربو** وانا مادري ))
----------------------------
مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !
((لا بصور معه كم صوور تذكاريه , , أكيد أبكلم ))
----------------------------
مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !
(( لا أفرش اسناني , , , أيه أذاكر ))
-----------------------------
ولا تعالــو شوفو قنواتنا وأسئلتهم البديهيه البايخه . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت بتحب هذه الأغنيّة ! ! !
(( لا ما أحبها بس طالبها أستهبل , , إيه أحبها ليش أجل متصل ))
-----------------------------
أو مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( أكيد يبي يقولهم هالعباره , أجل وش تبونه يقول بهالمناسبه احسن الله عزاكم!!! ))
--------------------------------
والأسخف من هالبديهيات اللي تضيع وقتنا إذا قابلو مع بزارينا , , ,
يقول المذيع للبزر :- أنت تحب ماما وبابا ! ! !
(( تبي تسبب فتنه أيه يحبهم أجل تبي يقول لا ))
-------------------------------
المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(( تسال وتجاوب نفسه الحمد لله على العافيه))
--------------------------------
واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو تسووي في المطار
(( والله جاي اشوف مباراه الهلال والنصر... اكيد اني بسافر ))
ههههههههاي<<اش رايكم باللله من جد ترفع الضغط<<<
انتظر ردودكم وتفاعلكم :r ose:
