اسمع من يهنون بعض بالعيد مادروا اني اهني العيد ..بـــــــــــكـ

العيد:
لا منك حضرت
وانت لا من غبت
[غاب]
وشلون
اسمي العيد: عيد
إن مر ..
ما سلم / عليك !؟

عيديتي ..
لا شفت وجهك .. عيد
.. يا وجه السحاب ..
أعبر / حدود
ارض السعاده
[فوق]
راحة رآحتيك ..

يا صاحبي
[مدري] هو يجيـبـك
العيد ..
وإلا غيـابـك
بـيجـيـب العيـد
فيني !!؟

من وين مالدّ النظر
عيني تردد (خايفه)~
لا تشوف
ذكرى للمكان
تصير للذكرى:
بريد

استانس الوحده , واناظر
صورةٍ ..لّك [تالفه] ..
مثل العلاج
اللي يسكّن للجروح
وما يفيد

ياكثر حزني
لا نظرت الأرض
خضرا وارفه
عند المكان اللي تعوّدنا
نزوره [كل عيد]

لو ما نهار العيد
[يشبه] نهارك
ما جيت لك
ينقص بي الشوق
ويزيد ..//

ياأقرب بشر للعيد ..
(عيدك مبارك)
انت: اقرب العـالم ..
ولو انك [بعيد]

من كثر حبي / مدري
ان جيت ابارك !!
اعايدك , والا اعايد بك
العيد ..!

أهواك فرحة عيد في كل
ثغري
تغري خجل وجنة طفل في
طرافه

أهواك .. وقت إنْ الهوى
إحساس فطري
يلعب مع أوْتار الفؤاد /
بـ لطافه

أحيك من صوف انتظاري
لـ /لقياك
فستان عيد ٍ /
خانته (طلة العيد)

وأغرس من بذر المواعيد
فـ رضاك
وياما خذلتني بـ الحصاد
المواعيد

+



العام الاول
عيدنا
[حب واحلام]
ماودّنا إنّ العيد:
يومٍ وليله!

والعام
عيدي / مثل عيدي
[هالايّام]
عيدٍ به الفرحه
غَدَت مستحيله

انته اذا منك سعدت
العيد اكيد انه سعيد
ياراس مال اللي زمانه
يوم اخذ / ما جابله
خايف يمر العيد
ماشفتك،
ولا اسميه: عيد
وانا انتظر شوفك / واقول:
العيد [يوم] اقابله

[من له] يمر العيد
بـ ضلوعي ؟
لا صار
قلبي [مفارق] ضلوعه!

لو انت مثلي ..
[تهمك] وجوعي
[ما مر] عيد
الروح موجوعه

قبل أحبس الدمعة
ليا طروا العيد ..
وقبل أسكب الدمعة
بليا ذريعة !

كنت أستطيع أفرح
بليا مواعيد ..
واليوم في
(موعد فرح) ..
ما أستطيعه !!